ШАМПИОНСКА ТИТУЛА ЗА „ ШАМПИОН“ ОД КАРПОШ

 На  овогодинешниот  национален  турнир  во ракомет за деца во организација на ракометен клуб „Вардар“, во категоријата генерација  (2002/2003 година),  ракометниот клуб „Шампион“ го освои првото место и го подигна победничкиот пехар.  Овој спортски ракометен  детски   клуб   доаѓа од Општина Карпош. Локалната самоуправа, преку своето Одделение за култура и спорт, долги   години работи на развивање на спортски таленти, односно  ги поттикнува спортските активности кај учениците и основците кои учат во училиштата на теритоторијата на Општина Карпош.

Во лига системот на Ракометната федерација на Македонија, овој ракометен   клуб, во моментот се наоѓа на високото второ место ( во есенскиот дел на табелата), со изгледни  шанси  да ја освои и шампионската титула.

Во клубот  настапуваат и ракометари- ученици кои играат во општинската училишна ракометна лига, со што на најдобар начин, преку спортските успеси, овие млади спортисти ја промовираат и презентираат Општина Карпош. На овој турнир , за најдобар централен  бек беше прогласен Андреј Јорданов а Виктор Додевски за најдобро десно крило.

Општината и во иднина ќе вложува  средства во подигнувањето на млади спортски таленти, се со цел еден  ден , тие да прераснат во професионални спортисти кои   ќе ја претставуваат и Република Македонија.