ЈУБЕЛЕЕН АТЛЕТСКИ КРОС НА ОСНОВЦИТЕ ОД КАРПОШ

 Јубилејно, десетти пат на кејот на реката Вардар во близина на амфитеатарот,  се одржа  Училишен Атлетски  крос. Момчињата од основите училишта на територијата на Општина Карпош, се натпреваруваа во четири дисциплини и тоа: 150м; 200м; 250м и 300 метри, додека девојчињата исто така се натпреваруваа во четири дисциплини: 100м; 150м; 200м; и 250 метри.

Шестоодделенката Јана Илиевска од Јан Амос Коменски  го освои првото место во категоријата на 100 метри, додека Ениса Јашарова од „Аврам Писевски“ е победничка на 150 метри. Осмоодделенката Снежана Тунеска од „Јан Амос Коменски“ е најдобра во трчање на 200 метри, додека Ива Чадиковска од „Владо Тасевски“ е шампионка на 250 метри.

Кај момчињата Дамјан Павловски од „Петар Поп Арсов“ е најдобар до 150 метри, а  Омер Алитовски од „Аврам Писевски“ победи во трката на 200 метри. Насер Бајрами од истото училиште е најдобар во трката на 250 метри, додека Петар Муратовски од „Христијан Тодоровски – Карпош“ е најдобар на трката во 300 метри.  

Градоначалникот на Општина Карпош Стефан Богоев, им го честиташе успехот  и им додели медали и пехари на победниците до  трето место во сите натпреварувачки категории.