УЛИЦАТА „ЕЗЕРЦИ“ ВО ВЛАЕ 1 ЦЕЛСОНО РЕКОНСТУРИРАНА

По целосната реконструкција на улиците во урбаната заедница „Владо Тасевски“, градежната механизација се пресели во урбаната заедница „Влае 1“. Денеска, улицата „Езерци“ доби нов асфалт во должина од 180 метри, а во вредност од околу еден милион денари. Фирмата-изведувач е „Ескаватори МК“ Скопје.

Првиот човек на локалната самоуправа, Стевчо Јакимовски во изјавата за медиумите презентираше детални информации за градежните работи во овој дел од наслебата Влае.

                        -Во моментов се наоѓаме во урбаната заедница „Влае 1“, кадешто на целиот овој кварт вршиме реконструкција на улиците и тоа пет улици со вкупна вредност од околу пет милиони денари. Во изминатиот период беа реконструирани улиците „Гари“, „Блаже Биринчето “ и „Франц Месеснел“, а подготвителни работи се вршат на улиците „Ринхини“  и  „Франц Розман“ кои во скоро време ќе бидат асфалтирани. Во моментов се реконструира улицата „Езерци“. Ако се има во предив дека е направен крак од улицата „Петар Чаулев“, тоа значи дека за  околу 170 семејства кои што живеат во овој дел од урбаната заедница „Влае 1“, имаат комплетно нови улици и се реконструираат за прв пат после 1964 година. Извршена е подземна реконстукција на  инсталации, поставени се нови канделабри и со тоа овој дел од населбата Влае 1 ја  подготвивме за наредните 30 години – рече Јакимовски.

                         Во наредниот период градежните работи продолжуваат  со полна пареа. Од овој дел на урбаната заедница „Влае 1“ остануваат уште две улици, а должината на коловозите досега се 900 метри. Во рок од десетина дена се очекува завршување на реконструкција на улиците во урбаната заедница „Влае 1“.