САНАЦИЈА НА УЛИЦИТЕ ВО КАРПОШ

Со самиот почеток на летната сезона и поволните временски услови,  комуналните служби на Општина Карпош континуирано се присутни на терен, извршувајќи ги своите рутински задачи.  Во таа насока, денеска, во соработка со фирмата „Ленди груп“ беа санирани ударните дупки на улицата „Скупи 6“, која води кон комплексот „Св. Јован“ во населбата Злокуќани.

Оттаму, градежните работници ќе интервенираат и на улицата „Никола Русински“ во близина на маркетот „Тинекс“ во населбата Карпош 3. Со таа динамика, веќе во рамки на утрешниот ден се очекува екипата да презеде реконструктивни зафати и на коловозот на улицата 4, во населбата Бардовци.