РЕКОНСТРУКЦИЈА НА ПАРКИНГ ВО КАРПОШ 3

Локалната самоуправа ќе го реконструира паркинг просторот во Карпош 3, (позади „Базаро“), со поставување на бекатон плочки, на вкупна површина од 900 м². За таа намена, вчера започнаа подготвителните работи кои опфаќаат израмнување на теренот и тампонирање на подлогата.

Станува збор за површина која повеќе години беше запуштена, каде при неповолни временски услови се создаваше кал, а во летниот период и прашина. Притоа, ваквата состојба на овој потег придонесуваше кон поголемо загадување на околината.

Со оваа интервенција, Општина Карпош од една страна очекува да се подобрат инфраструктурните услови на оваа локација, а од друга страна пак, дополнително да се влијае кон одржување на здравата животна средина.