ПРОЛЕТНА АКЦИЈА ЗА ЧИСТЕЊЕ НА ОПШТИНА КАРПОШ

Денеска, во девет урбани заедници на Општина Карпош, се спроведе акција за темелно чистење на локалната самоуправа. Освен комуналните служби на Општината, во оваа акција учествуваа и вработените  во општинската администрација.

 Акцијата се спроведува по иницијатива на Заедницата на единиците на локалната самоправа (ЗЕЛС) и истата се одвиваше и во останатите скопски општини. Денешната еколошка  акција за собирање на ѓубре, отпадоци, смет и хартии, се реализираше во урбаните заедници: „Владо Тасевски“, „Кузман Јосифовски – Питу“, „Пецо Божиновски – Кочо“, „Карпош 1,2,3 и 4“, како и во УЗ „Тафталиџе“ 1 и 2.  Освен чистењето и собирањето на ѓубрето и сметот, целта на оваа акција е и  да се подигне свеста кај граѓаните за заштита на животната средина.