ПРЕДЛОЖИ ИЗВЕДУВАЧ ЗА КАРПОШОВО КУЛТУРНО ЛЕТО 2021

Преку мобилната апликација „мЗаедница“ и веб страната www.mzaednica.mk, граѓаните на општина Карпош можат да даваат свои предлози за учесници на традиционалниот настан „Културно лето Карпош 2021“.

Манифестацијата ќе се одржи кон крајот на летото, каде и оваа година фокусот ќе биде насочен кон домашните артисти и уметници.

Веќе трета година, локалната самоуправа ја поддржува македонската културна сцена, истовремено нудејќи содржини за сите генерации. Програмата започнува со дел за деца и млади, а продолжува со забавна музика на наши пејач(к)и и групи.

Иницијативата за доставување на предлози ќе биде отворена до 14.07.2021 година (среда). Апликацијата „мЗаедница“ можете да ја преземете бесплатно преку App Storе  

( https://apple.co/2SbERqJ )  и Google Play ( https://goo.gl/Y9qhpE ).

Општина Карпош континуирано го зголемува граѓанското учество при креирање на сите проекти, за да создаде заедница која одговара на потребите на сите граѓани.