Од утре повторно во функција автобуската линија Жданец-Сити мол

По интервенција на градоначалникот на општина Карпош, од утре повторно во функција автобуската линија од Жданец до Сити мол.

Градоначалникот Стевчо Јакимовски денеска на средба со директорот на Јавното сообраќајно претпријатие – Скопје побарал информација зошто е прекината автобуската линија која беше пуштена во текот на изборната кампања. Од страна на директорот на јавното претпријатие е одговорено дека возилото било во дефект и истовремено е ветено дека дефектот ќе биде отстранет во текот на денот, по што најдоцна до утре ќе продолжи да сообраќа на релација Жданец – Сити мол.