КАРПОШ СЕ ВКЛУЧУВА ВО ЕКО – АКЦИЈАТА ЗА ЧИСТЕЊЕ НА СД “ГОЦЕ ДЕЛЧЕВ”

Општина Карпош се приклучува кон граѓанската акција за чистење на дворот на студентскиот дом “Гоце Делчев”, во недела (07.10.2018 година), со почеток во 16:00 часот. Во акцијата ќе се вклучат комуналните служби на Општината, со соодветна опрема и механизација за полесно отстранување на отпадот.

 Општина Карпош стапи во контакт и со Државниот студентски центар, со цел да се известат вработените во студентскиот дом и сите студенти за еко – акцијата. Ги повикуваме сите заинтересирани граѓани и општествено одговорни субјекти да ни се приклучат во акцијата и да дадат свој придонес.