ЗЕЛЕН КОРНЕР ВО СРЦЕТО НА „ЛЕПТОКАРИЈА“

Од десната страна на популарната „коцка“, на влезот од ТЦ „Лептокарија“, во населбата Карпош 3, ќе биде поставено ново хортикултурно катче со систем за наводнување, како и клупи за седење, реквизити и подлога.

Уредувањето на овој простор ќе го финансира и реализира „Халкбанк“ АД Скопје, согласно нивната заложба за подобрување на животната средина, под платформата „Халкеко“.

Овој зелен корнер е лоциран во централниот дел на „Лептокарија“, каде што фреквенцијата на граѓани е поголема, а местото претставува омилен дел за рекреација на жителите од најблиските згради и живеалишта. Со уредувањето на просторот, карпошани ќе добијат ново катче за маалска дружба и рекреација.

Општина Карпош продолжува со постојаното раззеленување на јавниот простор, а добро е што нашата заложба за чист и зелен Карпош е препознаена и од приватниот сектор, од општествено одговорни компании кои се придружуваат на иницијативата.