КАРПОШ ЗА ФУНКЦИОНАЛНА ИНФРАСТРУКТУРА

 Улицата Јуриј Гагарин бр.6 во населба Козле, се наоѓа во фаза на подготовки пред целосна реконструкција. Ќе се интервенира по целата должина на улицата од 350 метри и истата ќе биде проширена според новите пропишани стандарди.

Имено, коловозот ќе биде широк шест метри, со тротоари од обете страни, со широчина од метар и половина.

Општина Карпош, за асфалтирање на улицата Јуриј Гагарин бр.6 од својот буџет обезбеди 4.449.962 денари. Изведувач на градежните работи е фирмата „Ескаватори-МК“, а надзорен орган е фирмата „Урбан Стил Инженеринг“.

Во рамки на улицата, се предвидува и ново партерно уредување, вклучувајќи нови клупи и современо осветлување. За партерното уредување, локалната самоуправа издвои 3.753.068 денари. Изведувач е фирмата „СМ Компани“, а за надзорот ќе биде одговорна фирмата „Карапанчевски Компани“.