ЕЛЕКТРОТЕХНИЧАРИТЕ ОД ООУ ЈАН АМОС КОМЕНСКИ НА ПИЕДЕСТАЛОТ

 Основците од ООУ „Јан Амос Коменски“, на неодамнешниот натпревар по електротехника, го освоија првото место. Победничкиот тим, кој го сочинуваа учениците Андреј Николиќ, Алексеј Кубелка и Теодора Поповиќ, а предводен од менторот по физика, Рада Стаменкоска, се закитија со златни медали на овогодинешниот натпревар, кој се одржа во средното електротехничко училиште „Михајло Пупин“ во Скопје.

И покрај многубројните учесници, електротехничари од 35 основни училишта од главниот град, сепак тимот на ООУ „Јан Амос Коменски“, со награда го потврди совладаниот материјал во текот на учебната година и секако беа наградени за вложениот труд и знаење кои го покажаа преку практични вежби во електротехниката,  кои ја посетија и хидроцентралата Матка.

Натпреварот, кој беше под покровителство на ЕВН Македонија,  беше под мотото „Денови на електротехниката“.