РЕДОВЕН СЕРВИС И ПРОВЕРКА НА ПРОТИВПОЖАРНИТЕ АПАРАТИ ВО ОСНОВНИТЕ УЧИЛИШТА И ДЕТСКИТЕ ГРАДИНКИ

Во рамки на редовните активности, Општина Карпош спроведува проверка и сервисирање на противпожарните апарати во сите детски градинки и основни училишта, како и во останатите општински објекти.
Активностите ги реализира специјализирана и овластена фирма, со која Општина Карпош има склучено договор за редовно одржување и сервисирање на противпожарната опрема.
Оваа активност е дел од редовната годишна програма на Одделението за заштита и спасување, со цел навремена проверка на исправноста на противпожарната опрема и унапредување на мерките за заштита и безбедност во воспитно-образовните установи.
Општина Карпош и во наредниот период продолжува со реализација на активности насочени кон создавање безбедна и сигурна средина за најмладите и за сите вработени во установите.