МЕЃУНАРОДЕН ВАТЕРПОЛО ТУРНИР ,,13 НОМЕВРИ” ВО КАРПОШ

  • ноември 2, 2024
  • 0
На базенот СЦ „Борис Трајковски“, по повод Денот на ослободувањето на Скопје, во организација на ВК ,,Вардар ветерани” и со подршка од Општина Карпош, вчера започна четвртиот по ред Mеѓународниот турнир во ватерполо за ветерани (над 35 години). На турнирот, покрај домашната екипа на Вардар Ветерани, учествуваа и екипи од Хрватска, Србија, Романија, Унгарија, Словачка, Турција, Грција и Јапонија.

На ватерполо турнирот присуствуваше и градоначалникот на Општина Карпош, Стевчо Јакимовски, како и делегации од збратимените Општини. Тој во својот поздравен говор ја даде својата поддршка за ваквите спортски настани и дружби.
– Ви посакувам добредојде на сите учесници на овој ватерполо турнир. Драго ми е што пред се се дружите и соработувате од многу држави како од соседството така и пошироко. Како досега така и понатаму Општина Карпош ќе го поддржува спортот, ватерполото и пливањето – рече Јакимовски.
Мастерс-турнирот во ватерполо за ветерани, на еден начин го афирмира ватерполото кај младата популација, како и дружбата за стекнување пријателства помеѓу љубителите на овој спорт од целиот регион па и пошироко.