ЗАПОЧНА РЕКОНСТРУКЦИЈАТА НА УЛИЦА „СОФИСКА“

Општина Карпош презеде активноти за реконструкција на постојната улична мрежа на улица „Софиска“ во населбата Тафталиџе 2. За таа цел ќе биде поставен нов асфалт на површина од 410 метри, а долж коловозот од двете страни ќе бидат поставени нови рабници. Оваа реконструкција опфаќа и замена на долниот строј, како и замена на бехатон коцките на тротоарот.

                По тој повод, премиерот на Владата на Република Македонија, Христијан Мицкоски и градоначалникот на Општина Карпош, Сотир Лукровски, денеска направија увид во градежните работи кои се одвиваат на гореспоменатата улица.

• „Оваа улица ќе добие подобри, побезбедни и поквалитетни услови за движење на сите жители. Особено ми е драго што овој проект го реализираме со финансиска поддршка од Владата на Република Македонија, преку Министерството за транспорт, за што сме им посебно благодарни“ – истакна градоначалникот Лукровски.

                Изведувач на градежните работи е фирмата ОСД „Кирил ДООЕЛ“ – Штип, а вкупната вредност на изведбата чини 17.596.396 денари со пресметан 18% ДДВ. Целосната реализацијата на овој проект е овозможена со финансиски средства кои ги обезбеди Владата на РСМ, кои пак Министерството за Транспорт и ги додели на Општина Карпош, врз основа на учество на Јавен повик.