МЛАДИНСКИОТ ЦЕНТАР КАРПОШ ЗАПОЧНУВА СО ТЕМАТСКИ ВЕЧЕРИ
- октомври 5, 2026
- 0
Младинскиот центар Карпош (МЦК) ја започнува својата работа со серија тематски вечери исполнети со филм, книги, дружење, квизови и друштвени игри.
Денеска, од 20:00 часот, на програмата е филмска вечер, на која ќе бидат прикажани четири краткометражни студентски филмови:
„Пуста желба за запад“ – Дарко Ѓуровиќ
„Судбина или избор“ – Бојана Миовска
„Сведоци“ – Јана Голабоска
„Детокс“ – Теодора Најдовска
Вторник, 7 октомври, 19 часот – „Пронајди пријател“
Вечер за нови познанства, дружење и запознавање со нови луѓе. Секој е добредојден!
Среда, 8 октомври, 19 часот– „Жива библиотека“
Вечер посветена на книгите и размената на омилени наслови и книжевни препораки.
Четврток, 9 октомври, 19 часот – Друштвени игри и квизови
Вечер исполнета со забава, натпреварувачки дух и дружење.
Работно време на МЦК оваа недела: 13:00 – 22:00 часот.
Млади карпошани, Младинскиот центар Карпош е отворен за сите вас! Место за нови идеи, знаења, креативност, дружење и активности кои ги поврзуваат младите.
