Јакимовски – 2025 ќе биде посветена на проекти за младите

  • декември 31, 2024
  • 0
Почитувани граѓани на општина Карпош,
 
Еве сме на крајот на 2024 година, за нас релативно успешна година. Годините си поминуваат, ние возрасните си старееме, а децата ни растат и се развиваат, па така решивме наредната 2025 година да биде година во знакот на младите и со желба да создадеме подобри услови за живот и работа на нашите деца.
Наредната 2025 година ќе градиме две градинки, ќе градиме две спортски сали во ООУ Димо Хаџи Димов и во ООУ Братство, а на местото на градинката Пролет во Козле исто така ќе градиме нова градинка, како и градинката Мајски цвет во Тафталиџе 1. Во исто време очекуваме одобрување на проектот за проширување на градинката Пролет во населбата Влае 1, како и проширување на ООУ Димо Хаџи Димов. Освен тоа, во сите училници од сите десет наши општински училишта ќе имаме смарт панели, а во секое училиште ќе има по една училница опремена со најсовремени компјутери.
Сите училишта ќе бидат целосно реконструирани и на сите училишта ќе имаме ставено фотоволтаици за да ја намалуваме потрошувачката на електрична енергија.
Исто така на сите игралишта во училиштата ќе поставиме вештачка трева за да можат нашите најмлади безбедно да се дружат и да играат фудбал, како што сме денеска тука во населбата Жданец, во урбаната заедница Пецо Божиновски Кочо.
Така ќе продолжиме и со ООУ Јан Амос Коменски, ООУ Војдан Чернодрински како и со училиштата Димо Хаџи Димов и Лазо Трповски. Што значи во секоја урбана заедница ќе имаме игралишта со вештачка трева каде што ќе можат да спортуваат.
Со желба да имате добро здравје, Ви ја честитам новата 2025 година и наредната година да бидеме повесели и посреќни и побогати, ако не со пари, барем со знаење.
 

Градоначалник на Општина Карпош
Стевчо Јакимовски