76 ГОДИНИ ОД ОСЛОБОДУВАЊЕТО НА СКОПЈЕ

Градоначалникот на Општина Карпош, Стефан Богоев положи свежо цвеќе пред Споменикот на Ослободителите на Скопје, пред Владата на Република Северна Македонија, во знак на одбележување на 13 Ноември – Ден на ослободувањето на Скопје.

Денеска, граѓаните на Скопје ја празнуваат 76 годишнината од ослободувањето на нашиот главен град од фашистичка окупација.

13 Ноември нѐ потсетува колку е скапа слободата. Наша обврска е да продолжиме да се сеќаваме и да го негуваме споменот на оние кои го положија својот живот за колективното добро. Но, и да го развиваме главниот град преку вредностите на слобода, солидарност и еднаквост.

Пред спомен – обележјето свежо цвеќе положија повеќе претставници на институции, локални самоуправи и организации. Свое обраќање имаше и градоначалникот на Град Скопје, Петре Шилегов, кој во знак на благодарност кон борците, посочи дека новиот мост во продолжение на булеварот „АСНОМ“ ќе го носи името на Генерал Михајло Апостолски.