РЕДАРСКИ СЛУЖБИ ПРЕД ПОФРЕКВЕНТНИ МАРКЕТИ ВО КАРПОШ

Активистите од Сојузот на извидници на Македонија, денеска формираа редарски служби кои пред пофреквентните маркети во Општина Карпош и околу пазарчето во Тафталиџе, ја контролираат ситуацијата на теренот и повикуваат на физичка дистанца меѓу граѓаните кои пазарат.

Имајќи предвид дека нашата земја е пред тридневен 24 часовен полициски час, очекувана беше поголемата фреквенција на граѓани пред маркети, продавници и банки. Затоа се организираа редарските служби, за да го контролираат редот, да повикуваат на дистанца, со цел да се спречи можноста за ширење на коронавирусот.

Локалната самоуправа изразува благодарност до Сојузот на извидници, чии активисти уште еднаш ја покажаа својата одговорност и грижа за заедницата.

Ова е период, во кој делувањето на секој поединец е важно. Затоа, ги повикуваме сите граѓани да останат во своите домови и да се придржуваат до препораките за заштита од Covid-19.