ПРВО МЕСТО ЗА „АНГЛИЧАНКИТЕ“ ОД КАРПОШ

 Петтодделенката Калина Велковска под менторство на наставничката Александра Кузмановска и деветоодделенката  под менторство на професорката по англиски јазик Даниела Штерјова,  Екатерина Саздова, ученички од ООУ„Петар Поп Арсов“, го освоија првото место на меѓуопштинскиот натпревар по англиски јазик, кој се одржа минатата сабота во ООУ „Лазо Ангеловски“ – (Ново Лисиче). Организатор на училишниот натпревар беше асоцијацијата на наставници по англиски јазик – Елтам, во чии рамки учествуваа основците од петто и девето одделение, од  сите општински училишта на територија на град Скопје.

                Првопласираните ученички од општина Карпош, со постигнатиот успех, обезбедија директно учество на претстојниот регионален натпревар по англиски јазик, кој ќе се одржи на 16 април годинава, во ООУ „Владо Тасевски“.