ЛОКАЛИЗИРАН ПОЖАРОТ ВО ЗЛОКУЌАНИ

Благодарение на брзата реакција на локалното население од Злокуќани (општина Карпош), пожарот кој попладнево околу 15.00 часот избувна во близина на телевизијата Канал 5, набрзо беше локализиран и ставен под контрола. Жителите од населбата Злокуќани веднаш го забележале густиот чад и пламените јазици, но за среќа реагирале свесно и навремено, така што го спречиле огнот да заземе поголеми размери.

На повик на граѓаните, набргу на местото на несреќата стасало специјално возило на противпожарната служба и надлежните лица констатирале дека пожарот е успешно локализиран и згаснат. Според очевидци пожарот бил намерно подметнат од непознати сторители, кои веднаш потоа со возило се упатиле во непозната насока.