60 ГОДИНИ ОД ПРВИОТ ЛЕТ ВО ВСЕЛЕНАТА

Општина Карпош, на спомен обележјето на Јуриј Гагарин во Козле го одбележа 12. Април – Меѓународниот ден на космонаутиката.

Имено, пред 60 години, Јуриј Гагарин за прв пат во историјата се вивнал во вселената, со космички брод „Восток I“, трасирајќи го патот на човештвото во вселената. На овој начин, даден е голем придонес кон развојот на цивилизацијата.

Пред спомен обележјето, во знак на почит, свежо цвеќе положи делегација на општина Карпош, предводена од градоначалникот Стефан Богоев, како и делегација на Амбасадата на Руската Федерација во Северна Македонија, предводена од амбасадорот Сергеј Бездникин.