КОНСТРУКЦИЈАТА НА „МЛЕЧЕН“ СЕ ОТСТРАНУВА, ПОДГОТОВКА НА ПРОГРАМА ЗА УРБАНА ОПРЕМА ЗА ПОГОЛЕМ РЕД ВО КОРИСТЕЊЕ НА ЈАВНИОТ ПРОСТОР

За поставената железна платформа на ул. „Анкарска“ бр.23, платото на „Млечен“, констатирано е дека нема одобрение и истата е поставена спротивно на Правилникот за користење урбана опрема.

Сопственикот е задолжен во рок од три дена да ја отстрани конструкцијата и просторот да го врати во првобитна состојба.

🔎 Вчера беше извршен вонреден инспекциски надзор од раководителот на Инспекторат на град Скопје и комуналните инспектори на Градот, како надлежна институција за издавање на дозволи за поставување урбана опрема.

📋 Општина Карпош, во соработка со службите на Град Скопје ќе подготви Програма за урбана опрема, за оваа микро локација (платото на „Млечен“), но и за просторот во ТЦ „Лептокарија“ и Порта Влае.
Целта на Општината и на Градот е конечно воведување на ред во користењето на јавниот простор.