ЈАКИМОВСКИ ВО ПОСЕТА НА ДОМОТ ЗА СТАРИ ЛИЦА ,,МАЈКА ТЕРЕЗА”

По повод одбележување на Денови на Општина Карпош, денеска, градоначалникот Стевчо Јакимовски ги посети корисниците кои престојуваат во Домот за стари лица ,,Мајка Тереза” . Во организација на Одделението за социјална и детска заштита, традиционално првиот човек на Општината им подели пригодни пакети на граѓаните од третото доба, на кои во разговор ги потсети дека треба да внимаваат на себе и нивното здравје, а дека тоа најдобро го прават луѓето кои во Домот се грижат за нив.

            -И оваа година заедно ги започнуваме традиционалните Денови на Општина Карпош, по повод 48-годишното постоење од нашата Општина. Вие сте нашите најстари карпошани за кои треба да се грижиме. Бидете живи и здрави и чувајте се – заврши Јакимовски.

            Имено, во рамки на денешниот настан, старите лица ги посетија и волонтерите од Невладината организација ,,Такт”, кои преку пилот проект одржаа работилници кои се од суштинско значење за зачувување на традицијата и културното наследство, како и поддршка на старите лица за подобрување на квалитетот на нивниот живот.