Јавен повик за доделување на Еднократна финансиска поддршка за спорт и рекреација

јуни 2, 2025
0

Јавен повик за доделување на Еднократна финансиска поддршка за спорт и рекреација

Право на пријавување

Право на пријавување имаат сите заинтересирани спортисти и рекреативци жители на Општина Карпош кои имаат 13 години (или што ќе полнат во годината кога е објавен јавниот повик) до 18 години (односно да немаат 18 години во текот на годината кога е објавен јавниот повик.

Спортистите и рекреативците се должни во барањето да ги наведат причините, намената за кои ги барат средствата со финансиска конструкција и спецификација.

Потребни документи, критериуми и услови за учество
Спортистот да достави спортска легитимација дека најмалку три години е активен спортист, регистриран за клуб и континуирано учествувал во национален систем на натпревари.
Спортистот да има официјално рангирање во националното спортско првенство во последната натпреварувачката сезона.
Спортските резултати на спортистот да бидат реализирани во натпреварување со најмалку пет клуба во националното првенство. Да се достави учество на клубовите и официјална табела од постигнатите резултати со време или бодови.
За спортисти од колективни спортови да достават доказ (копија од записник) дека во најмалку пет натпревари во натпреварувачката сезона го започнале натпреварот во почетната (стартната) постава во тимот за кој настапуваат.
Спортистот постигнатите спортски резултат, да ги потврди со официјален документ издаден од страна на матичната национална спортска федерација
Спортистот да достави детална програма за натпреварувачка сезона 2025 со покана за турнири, со дати на одржување на спортските настани, финансиска конструкција и друго или доколку веќе бил на меѓународен турнир – натпревар да достави финансиски сметки.
Спортист, физичко или правно лице на кое му биле одобрени и исплатени финансиски средства од Општина Карпош во претходната година, задолжително со барањето треба да достави извештај за активностите и финансов извештај со фискални сметки или фактури.
За проекти од спортот и рекреација, опис на проектот и организација на рекреативни спортски настани (доколку има да се достават и досегашни организирани спортски настани).

Висина на финансиската поддршка и рангирање

Во зависност од приложените документи, финансиската поддршка комисијата ќе ја доделува најмногу до 30.000,00 денари и ќе се одобрува еднаш годишно според претходно изготвен правилник за оваа намена кој ќе биде објавен во прилог на овој оглас.