УДАРНО ГРАДЕЖНО ЛЕТО ВО БАРДОВЦИ

Денеска, на увид во градежните работи во месната заедница Бардовци, градоначалникот на Општина Карпош, Стевчо Јакимовски ги образложи веќе постоечките градежни зафати, со кои се решаваат комуналните проблеми на граѓаните, но и најави нови инфраструктурни проекти, кои ќе бидат инвестирани во ова населено место. -Во населеното место Бардовци,досега извршивме реконструкција на повеќе краци од повеќе улици, . Направена е реконструкција на улица „6“, крак 1, 2 и 3, во вредност од 1 .566.000 денари. Исто така извршена е реконструкција на улица „14“, крак 4, во вредност од 561.000 денари, понатаму извршена е реконструкција на улица „10“, крак 1, 2 и 3, во вредност од 418.000 денари и извршена е реконструкција на улица „2“, во вредност од 3.671.000 денари, нагласи Јакимовски. Градоначалникот на Карпош, ги нагласи тековните градежни активности, кои како градежна офанзива ќе бидат во фокусот ова лето: – Во моментов, работиме на изградба на фекална и атмосферска канализација, на новопроектирана улица „Е“ и дел од новопроектирана улица „З“. Вредноста на овие градежни зафати што ги изведуваме е 11.098.000 денари. Изградба на дел од новопроектирана улица „Е“, и дел од новопроектирана улица „З“, во должина од 225 метри, и должина на улица „3“, во должина од 360 метри, со вкупна вредност од 21.670.000 денари. Исто така, активна е изградбата на улична мрежа за дел од новопроектирана улица „6“ во месната заедница Бардовци, во должина од 295 метри,а вредноста на договорот е 6.000.991 денар и изградба на фекална канализација во должина од 176 метри. Вредноста на овој проект е 1.653.000 денари, додека изведувач е фирмата „Нексис“.Во моментов се врши реконструкција на пристапни улици на крак 1 и крак 2 ,на улица „14“, и крак 1 на улица „6“ . За овие улици се издвоени уште 1.000.000 денари, потенцираше Јакимовски. Првиот човек на Карпош, најави и нови градежни инвестиции со кои ќе се заокружи комуналната инфраструктура во населбата Бардовци. -Градиме фекална канализација на улица „1687“ во вредност од 3.900.000.Новопланирана секундарна улична мрежа на истата улица, во вредност од 11.799.000 денари, и новопроектирана секундарна улична мрежа во вредност од дел на улица „К“, во должина од 1000 метри, во вредност од 35.000 милиони денари. Изградба на инфраструктурни објекти , на улица „5“, „6“,„ 7“ кои се предвидени во блок 2 и 3 во Бардовци, и асфалтирање од 41.172.000 денари. Изградба на инфраструтурни објекти на новопланирана улица 5,6 и 7 , фаза водовод и канализација , во вредност од 22.063.000 денари. Сето ова, го правиме , за да ги решиме децениските проблеми на Бардовчани, и ова населено место да има еднаква фекална, атмосферска, комунална и патна инфраструктура како другите населени места во нашата Општина, нагласи Јакимовски. Тој истакна дека до сега, со вложените средства и планираните идни финансии обезбедени од донации, но и од буџетот на Општината, во Бардовци ќе бидат инвестирани околу 2 милиони евра, за подобрување и стандардизирање на патната мрежа,како и изградба на фекална и атмосферска канализација.