ТРИБИНА ЗА МАШКОТО ЗДРАВЈЕ

Вчеравечер, во организација на Општина Карпош по повод одбележување на 48 годишнината од формирањето на локалната самоуправа во амфитеатарот на Универзитетот Скопје се одржа трибина за машкото здравје. На настанот говореше д-р. Владимир Зориќ специјалист по семејна медицина. Фокусот на трибината беше насочен кон образложување на практични совети за унапредување на здравјето со постојана грижа и одговорност. Во таа насока д-р Зориќ потсети дека клучен фактор за одржување на машкото здравје и успешна превенција од болести какви што се рак на простата и рак на тестиси е навремената дијагностика која воедно го зголемува процентот на излекување. Според него околу 10% од населението во Македонија има дијабет, а оттука кај тие лица постои зголемен ризик да добијат кардиоваскуларно заболување.