ООУ БРАТСТВО ,,ЧИТА ЗА ДА СТАНЕ ЛИДЕР“

Во  ООУ ,, Братство“, денеска се одржа мрежниот  настан,, Со читање до лидерство“ на кој учествуваат повеќе од 70 претставници од неколку основни училишта во  Република Македонија и тоа: ООУ,, Никола Карев“ од Пробиштип, ООУ ,, Хасан Тахсини“, од с. Седларево, Општина Желино и  ООУ,, Дервиш Цара“, од с. Долно Палчиште, Општина Боговиње.

Овој настан е организиран во рамките на проектот на УСАИД, со цел, оделенските наставници, стручните служби и раководството на овие училишта да разменат идеи за подобрување на почетната писменост кај учениците. Преку вмрежување и размена на искуства меѓу просветните работници и училишните раководства, наставниците добиваат одлична можност за постојан професионален развој.

На овој начин стручната служба и раководството на училиштата редовно се состануваат и разменуваат искуства преку развојни активности, разгледуваат предизвици и разменуваат позитивни практики со кои може да се подобри јазичната писменост кај учениците. Со овој проект, исто така, и учениците се состануваат, при што разменуваат идеи преку постери и ги презентираат предизвиците и решенијата на своите училишта.