ОГЛАС за доделување на стипендии за талентирани ученици од основните училишта на територија на Општина Карпош за учебната 2025/2026 година

  • јуни 2, 2025
  • 0

ОГЛАС

за доделување на стипендии за талентирани ученици од  основните училишта на територија на Општина Карпош за учебната 2025/2026 година

 

  1. Услови за доделување стипендија

 

  • Да се жители на Општина Кaрпош;
  • Да се редовни ученици во VIII или IХ одделение во основните училишта на

              територија на Општина Карпош;

  • Да имаат освоено I, II или III место на акредитирани натпревари;
  • Да оствариле континуиран одличен успех во VI и VII одделение за ученици од VIII одделение, односно во VI, VII и VIII одделение за ученици од IX одделение.

 

  1. Критериуми за доделување стипендија

 

Право на разгледување имаат само дипломи за освоено I, II или III место од здруженија, сојузи, сојузи на друштва, асоцијации акредитирани од Министерство за образование и наука од областа на науката, литературата, техниката, културата и уметноста, од VII одделение за редовни ученици во VIII одделение, односно од VIII одделение за редовни ученици во IX одделение:

 

  • I место на општински натпревар (0.5 бодови);
  • I, II или III место на регионален натпревар (3 бодови,2 бодови,1 бод);
  • I, II или III место на државен натпревар (8 бодови, 6 бодови, 4 бодови);
  • I, II или III место на меѓународен натпревар (15 бодови, 12 бодови, 10 бодови);
  • Златен, сребрен или бронзен медал на меѓународен натпревар (15 бодови, 12 бодови, 10 бодови).

 

Линк за акредитации од МОН:  https://mon.gov.mk/content/?id=8626

  • Освоените места на групни натпревари не се бодуваат.
  • Натпревари кои се спроведени по електронски пат не се бодуваат.
  • Под меѓународен натпревар се подразбира натпревар во кој учествуваат ученици од најмалку 5 (пет) различни држави, на кој се споредуваат знаењата помеѓу учениците од различни држави и се врши рангирање на најдобрите ученици. Во прилог доказ/потврда од организаторот на натпреварот за бројот на државите-учесници.
  1. Потребни документи:

Со барањето, учениците треба да достават:

-Документ/доказ дека живее во Општина Карпош (копија од лична карта од

              родител/старател);

-Потврда од училиштето дека е редовен ученик;

-Кратка биографија на ученикот (CV);

-Фотокопии од свидетелства како доказ за континуиран одличен успех:  

  • Свидетелства од VI и VII за ученици од VIII одделение
  • Свидетелства од VI, VII и VIII за ученици од IX одделение;-
  •  
  • – Фотокопии од дипломи од освоени места на натпреварите:
  • Дипломи од VII одделение за редовни ученици во VIII одделение
  • Дипломи од VIII одделение за редовни ученици во IX одделение;
  • -Препорака од класен раководител/предметен наставник.

 

 

 

  1. Висина на стипендија и рангирање

 

Висината на стипендијата изнесува:

 

  • за втора категорија 3.000,00 денари месечно за освоени од 8 до 15,5 бодови
  • за прва категорија 3.500,00 денари месечно за освоени од 16 и повеќе бодови

 

Стипендиите се доделуваат за осум месеци во текот на учебната 2025/2026 година.

 

 

 

  1. Начин на пријавување

 

Документите се доставуваат во затворен плик во  Архивата на Општина Карпош или по пошта на ул. Радика бр. 9 Скопје, со назнака „За доделување стипендии на талентирани  ученици од основните училишта на територија на Општина Карпош за учебната 2025/2026 година“.

 

 

  1. Рок за поднесување на документи

 

Рок за поднесување на документите по Огласот е од 02.06.2025 година до 25.06.2025  година. Документите на кандидатите кои не се комплетни и не се навремено доставени нема да бидат разгледувани.

 

  1. Транспарентност

 

Огласот за доделување на стипендии за телентирани ученици за учебната 2025/2026 година, ќе се објави на веб страницата на Општина Карпош, и во два дневни весници, од кои во еден од весниците што се издаваат на македонски јазик и во еден од весниците што се издаваат на јазикот што го зборуваат најмалку 20% од граѓаните кои зборуваат службен јазик различен од македонскиот јазик.

 

 

Напомена: На ученикот кој конкурирал за две стипендии во Општина Карпош (за образование и за спорт) и ги исполнил условите за добивање на двете стипендии, му се доделува само една стипендија по негов избор, врз основа на доставена изјава за која стипендија се одлучил.