ЗАСАДЕНИ 59 ДРВЈА ВО ЧЕСТ НА ЖРТВИТЕ ОД ТРАГЕДИЈАТА ВО КОЧАНИ
- април 2, 2025
- 0
Основците од четврто до седмо одделение од ООУ „Братство“, во рамки на своето училиште денеска одржаа едукативна работилница, која се реализираше во соработка со Европската организација UNOPS-EU FOR CLEAN AIR и Првиот Скопски извиднички одред.
Притоа, четвртоодделенците изработуваа куќички за птици, петоодделенците решаваа еколошки тестови, шестоодделенците симулираа (изработија) еко-систем во тегла, додека пак седмоодделенците се натпреваруваа во популарната игра, џиновска „Џенга“.
По тој повод, Европската организација UNOPS и донираше на општина Карпош 80 садници од типот PLATANUS ORIENTALIS, а 59 садници од нив ќе бидат насадени во основните училишта а 21 садница во градинките низ Карпош, во чест на младите луѓе кои трагично ги загубија своите животи во катастрофалниот пожар во Кочани.