ВПЕЧАТЛИВИТЕ ОЛДТАЈМЕРИ ГО РАЗУБАВИЈА РОДЕНДЕНОТ НА КАРПОШ

Во рамки на 48-от роденден на Општината, во организација на клубот ,,Буба Клуб Македонија”, а под покровителство на локалната самоуправа, денеска се одржа средба на сопствениците на олдтајмери, на плоштадот ,,Делфина” во населбата Влае. На собирот беа изложени повеќе од 15 возила и учесници од разни клубови, од целата држава (ОТК “Пежо 404 Клуб“, “Gentleman’s Crew Skopje”, “2CV Спачек Клуб Скопје“,) како и неколку олдтајмер клубови од регионот, како: ОТК “Врање“, ОТК “Ниш“. Денешниот двочасовен настан, беше посетен од многубројните љубители на автомобили кои имаат долга историја.На роденденската изложба присуствуваше градоначалникот Стевчо Јакимовски заедно со делегации од збратимените Општини.