Одржување на урбаната опрема во Карпош во период од 19-23 август 2024 година
Општина Карпош продолжува со реновирање, реконструкција и поставување на нови урбани елементи на својата територија. Детското игралиште на бул. „Партизански одреди“ број 107, во урбаната заедница Тафталиџе 1 беше целосно реконстуирано, додека за зголемување на безбедноста на ул. Есперанто во населбата Влае 2, се поставија нови заштитни метални и пластични столпчиња. Во населбата Карпош 1, во дворот на ООУ „Христијан Тодоровски- Карпош“, на терените „Сокол“ беа поставени дванаесет корпи за отпадоци, како и нова врата на самото игралиште. Две клупи, претходно оштетени, се санирани на платото во Карпош 3, каде што и се поправи детски урбан елемент (клацкалка). Во близина на трговскиот маркет „Стокомак“, на бул. „Партизански одреди“ во урбаната заедница Тафталиџе 2, по претходна пријава од граѓани дека е оштетено од несовесни граѓани, беше поправено детското игралиште. Локалната самоуправа, постојано ги сервисира потребите на граѓаните, согласно нејзините законски ингеренции и се грижи за хигиената, хортикултурното уредување, реконструкција и одржување на постојните урбани (детски) игралишта во сите нејзини урбани и месни заедници.
