КОНКУРС ЗА ИЗБОР НА ИДЕЈНО РЕШЕНИЕ ЗА НОВИОТ ПАРК
- февруари 12, 2020
- 0
Во тек е конкурсот за избор на идејно архитектонско и хортикултурно решение за новиот парк во Општина Карпош којшто ќе биде на површина од 60.000 м2, . Паркот ќе се простира долж булевар „Илинден“, после Алпинистичката карпа до бунарите на река Лепенец.
Конкурсот го распиша Град Скопје, а право на учество имаат сите физички и правни лица.
Рокот за предавање на конкурсните трудови е 16.03.2020 година, а оценувањето на трудовите ќе го врши жири комисија составена од вработени во Град Скопје.
Вкупниот награден фонд за конкурсот е 620.000 денари и тоа:
– Прва награда 310.000 денари;
– Втора награда 185.000 денари;
– Трета награда 125.000 денари;
Предложениот дизајн треба да одговори на потребите на сите граѓани на Градот Скопје, меѓутоа и на оние во станбените населби во негова непосредна близина. Истиот треба да биде корисен, фунционален и одржлив преку оригинални, креативни и иновативни идеи.
Урбаната опрема треба да ги задоволува сите старосни групи, да биде ергономска, функционална, безбедна, како и лесно пристапна и одржлива.
На овој начин, Градот Скопје и Општина Карпош даваат една нова, додадена вредност на проектите, со тоа што постои вклученост на стручната јавност и граѓаните во планирање на јавниот простор.
Линк до конкурсот:
