КАРПОШ ДЕЛ ОД МЕЃУОПШТИНСКИОТ ОДБОР ЗА ПОЕФИКАСНО УПРАВУВАЊЕ СО ОТПАДОТ
- ноември 19, 2026
- 0
Општина Карпош е дел од новоформираниот Меѓуопштински одбор за управување со отпад, кој денеска беше конституиран во рамки на Центарот за развој на Скопскиот плански регион. Претставник на Општина Карпош во Одборот е Јованче Цветаноски, овластен од градоначалникот Сотир Лукровски. На конститутивната седница за претседавач беше избран Александар Ѓорѓиевски, градоначалник на Општина Илинден, а беше усвоен и Деловникот за работа на ова тело.
Целта на Одборот е зајакнување на меѓуопштинската соработка и институционалната координација за поефикасно управување со отпадот, негово дислоцирање, правилна селекција и воспоставување одржливи решенија на регионално ниво.
Преку ова тело ќе се координираат и иницираат инвестициони проекти од регионално значење, ќе се следи спроведувањето на активностите и ќе се врши мониторинг на состојбите во управувањето со отпадот.
Општина Карпош останува посветена на регионалната соработка и заедничките решенија за почиста животна средина и поквалитетен живот за сите граѓани!





















