ЗАВРШНА СРЕДБА СО ДИРЕКТОРКИТЕ ПРЕД ПОВТОРНО ОТВОРАЊЕ НА ГРАДИНКИТЕ

Општина Карпош ги презема последните активности за безбеден прием на децата во градинките.Денеска, градоначалникот Стефан Богоев одржа состанок со директорките на градинките: „Мајски цвет”, „Орце Николов”, „Распеана младост” и „Пролет”.

Констатирано е дека во сите градинки заврши процесот на дезинфекција, дезинсекција и дератизација на занималните, кујните, тоалетите и канцелариите.

Приемот во секој објект на предучилишна установа ќе се одвива согласно донесениот Протокол, со зголемени контроли и надзор.

Ги повикуваме сите чинители, родители, воспитниот кадар и управите на градинките да бидат уште поодговорни и потолерантни овој период, со повторното отворање на детските установи.

Општина Карпош продолжува да биде партнер и поддржувач во креирањето на подобри услови во предучилишното образование.